صنائع المعروف

الوصف	الحوار
خ/ ل                                   سيارة ملاكي
رجل يقود سيارته الخاصة وتركب معه زوجته تحمل طفل صغير
وفي الكرسي الخلفي طفل في الخامسة من عمره  الطريق سريع
ومضيئ وسيارات قليلة تمر
الزوجة تلتفت إلى زوجها مبتسمة وتقول	الفرح كان حلو
الزوج يرد بدون إلتفات	نعم المهم عملنا الواجب
إمرأة تقف على جانب الطريق تحمل طفل وتظهر من بعيد تشير
للسيارات العابرة .. يقترب منها الرجل فتشير إليه بالوقوف
بإلحاح
الرجل يبطيء من سرعته والزوجة تقول مستغربة	استنى يااحمد شوف بتشاور ليه
أحمد يقف أمام المرأة يسألها	خير فيه حاجة
المرأة تقترب وتميل من شباك السيارة وقد بدا عليها الفزع	معلش يا أستاذ الولد سخن جدا وهنا ماعندناش
	دكتور والعربيات جاية زحمة وما بتقف فلو
	فلو سمحت توصلني للبلد الجنبنا فيها دكتور
أحمد	أركبي يا أخت
أحمد يقول لأبنه	وسع يا عمرو
عمرو يوسع والمرأة تركب
بعد أن تركب المراة وتعتدل في جلستها تضع يدها على جبهة
طفلها ويبدوا عليها الإنزعاج ثم تقول	أنا آسفة يا مدام ومتشكرة قوي
زوجة أحمد تلتفت للمراة مبتسمة	لا يا أخت مافيش حاجة الناس لبعضها وربنا
	يطمنك عليه
المرأة ممتنة	متشكرة ألف شكرا وربنا يباركلكم في ولادكم
	ولا يصيبه مكروه أبدا
الزوجة وأحمد يقولان في وقت واحد	آمين يا رب
يسود الصمت قليلا تتداخل وتتابع اللقطة تعبيرا عن مرور الوقت
السيارة تقطع الطريق بسرعة وتمر امام الكامير لتظهر خلفيتها
تبدو في الأفق بعض مساكن قرية على الطريق
المراة تنظر ناحية اليمين وتلتفت نحو البيوت التي على
جانب الطريق ثم تقول وقد ذهب عنها بعض الفزع	أيوه العيادة جصادك أهيه
تبدو لافتة عيادة دكتور والمرأة تقول	يارب يكون الدكتور موجود
أحمد	طيب احنا هنستنى علشان لو مش موجود
	نوصلك لدكتور تاني او مستشفى
المرأة تنزل من السيارة وتتجه إلى العيادة مسرعة
أحمد وزوجته يتجهان بوجهيهما و ينظران إلى باب العيادة
الزوجة	يارب تلاقي الدكتور
المرأة تخرج من باب العيادةوتشير إليهم بالذهاب	الدكتور موجود متشكرة اوي يا استاذ متشكرة
	أوي يمادام
أحمد وزوجته يشيران إليه وهما يبتسمان
الزوجة	خير الحمد لله
أحمد يحرك السيارة قائلا	توكلنا على الله
يسود الصمت قليلا تتداخل وتتابع اللقطة والمزج تعبيرا عن مرور
الوقت ..الزوجة وقد بدا عليه االملل	إحنا اتأخرنا أوي يا احمد
أحمد	مانا هامشي من طريق مختصر
أحمد يبطئ السيارة وويتجه إلى طريق مظلم
الزوجة وقد بدا عليها القلق	الطريق دا ضلمة قوي يا احمد
أحمد	معلش بس الطريق دا قصير شوية عن التاني
تظهر أمامهم من بعيد سيارة تضيئ أنوارها بشدة
أحمد يعمل إشارات متقطعة  وقد بدا عليه بعض الغضب	شوفي السواق مش عايز يطفي النور او يهديه
	أنا مش شايف حاجة .. أن هاقف .. مش شايف
	حاجة قدامي
يقف أحمد تماما بينما السيارة المقابلة تقترب منه وتبطئ وأحمد
يخاطبه بصوت عالي وبغضب	ياعم اطفي النور شوية عمتنا
السائق ينظر له بسخرية ويذهب قائلا	طب خد بالك ادامك حفرة
أحمد ينزل من السيارة حاملا معه كشافا ويوجه الكشاف إلى
مقدمة السيارة يجد حفرة عميقة على حافة المقدمة ينظر في
عمقها	الحمد لله الحمد لله
الحفرة عميقة
أحمد يعود إلى السيارة ويضع كفيه على وجهه ويخفض رأسه
على عجلة القيادة	الحمد لله الحمد لله
الزوجة تتطلع إلى أحمد متعجبة	فيه أيه ياحمد
أحمد خافضا رأسه على عجلة القيادة	حفرة غويطة أدامنا وقفت قبليها وانا مش
	شايفها
الزوجة	الحمد لله الحمد لله
احمد يحول عجلة القيادة ويبدأ في السير مرة أخرى ويردد	الحمد لله الحمد لله
تفتح الشاشة على لافتة مكتوب عليها قال صلى الله عليه وسلم
صنائع المعروف تقي مصارع السوء
والرواي يتلو الحديث