الوصف | الشخصيات | الحوار |
ن/د حجرة مكتب | ||
سيد مدير حسابات في الخمسين من عمره ملتحي في مكتب ومعه محاسبين | ||
محمود واحمد وعماد كل منهمكا في عمله أمام كل واحد كباية شاي | ||
مستاءا وهو يشرب الشاي | عماد | الشاي ده مش مظبوط |
محمود | عشان تعرف قيمة عم شعبان ربنا يشفيه ويرجعه | |
بالسلامة | ||
جرس المحمول يرن .. يرد | سيد | السلام عليكم |
صديقهم كان في عُمره يأتي صوته عبر التليفون | كامل | وعليكم السلام يا أستاذ سيد |
بسعادة | سيد | أهلا يا أستاذ كامل عمره مقبولة إنشاء الله |
كامل | اللهم أمين أنا وصلت حالا من العمرة | |
سيد | الف حمدالله على السلامة | |
كامل | الله يسلمك سلم لي على جميع الزملاء | |
يوجه كلامه إلى زملاءه في المكتب | سيد | أستاذ كامل بيسلم عليكم يا جماعة |
بصوت واحد فرحين | الزملاء | الله يسلمك يا أستاذ كامل |
سيد | وهما بيسلموا عليك يا أستاذ كامل | |
كامل | الله يسلمك ويسلمهم وحشنا جدا وانا راجع بكره إنشاء | |
الله | ||
سيد | ترجع بالسلامة إنشاء الله | |
كامل | طيب سلام دلوقت ونتقابل بكره إنشاء الله | |
يضع السماعة وهو مازال مبتسما | سيد | وعليكم السلام يا أستاذ كامل |
يضع القلم من يده | عماد | هانت إنشاء الله محمود يقبضنا الجمعية بكره ونحجز |
للعمرة | ||
محمود | ماتستعجلش يا خويا إحنا النهاردة لسة سبعة وعشرين | |
والقبض يوم تلاتين | ||
عماد | البركة في الاستاذ سيد يستعجلنا القبض | |
سيد | فكرتوني مين اللي هايودي القبض لعم شعبان | |
أحمد | انا طبعا لأنه ساكن قريب مني وعلى فكره الدكاتره قالوا | |
أنه لازم يعمل عملية بأسرع وقت وكلفني أكلمك يا | ||
أستاذ سيد على سلفة | ||
سيد | طيب أنا كنت باطمن عليه إمبارح ما قاليش | |
أحمد | لازم اتحرج منك | |
سيد | ما قالكش هاتتكلف كام العملية | |
أحمد | عشر تلاف جنيه | |
محمود | عشر تلاف جنيه دا المدير إذا وافقله على تلاتة يبقى | |
كويس | ||
عماد | دانا اتحيلت عليه علشان سلفة للعمرة مارضيش أبدا | |
بطريقة تهكمية ممثلة | قالي شوف يا عماد دي مش تكية عايز تعمل عمرة | |
حوش و روح | ||
سيد | طيب لو فرضنا أنه وافق على تلاتلاف جنيه هاندبر | |
الباقي إزاي | ||
محمود | أنا ممكن أدفع ألف جنيه | |
أحمد | وأنا كمان ممكن أدفع ألف جنيه | |
سيد | وانا هادفع ألفين جنيه | |
محمود | ماشاء الله ياريس طول عمرك سبع وانت يا عماد ها | |
تدفع كام | ||
عماد | أدفع أدفع منين يا حسرة .. دانا لسة بدفع في قسط | |
جهاز اختي | ||
محمود | يا راجل أنت مش قايل من شهرين إنك خلصت | |
اقساطها | ||
محرجا ومترددا | عماد | آآآه دا دا كان قسط التلاجة بس لسة في حاجات |
تانية ما خلصتش | ||
سيد | شوف يا عماد أنت مش هاتدفع حاجة إحنا عرفين | |
أعباءك.. بس انت أجل العمرة الشهر ده | ||
محمود يشير بيده على إن عماد جلدة | محمود | أيوة أعباءك كتيرة |
عماد | أيوة بس أنا نويت | |
سيد | أنت مش حجيت واعتمرت قبل كده مع ابوك الله يرح | |
مه | ||
عماد | أيوة بس دا من زمان | |
سيد | من زمان من دلوقت المهم إنك قضيت الفريضة دا لو | |
فرضنا إن العمرة فريضة يبقى العمرة اللي هاتعملها | ||
دلوقت تبفى نافلة | ||
مستغربا ومتسائلا | عماد | نافلة يعني أيه نافلة |
سيد | يعني سنة مش فرض يعني تاخد عليها ثواب لما تعملها | |
وما علكش ذنب لو ما عملتهاش بينما مساعدة عم | ||
شعبان فرض | ||
أحمد | والفرض مقدم على النافلة | |
سيد | مظبوط و ثواب الفرض أعظم من ثواب النافلة | |
أحمد | والفرض إذا ما عملتوش تأثم بينما السنة لو عملتهاش | |
ما علكش ذنب بس تحرم من أجرها اللي هو أقل من | ||
ثواب الفرض | ||
سيد | يعني ثواب وأجر مساعدة عم شعبان أعظم من ثواب | |
العمرة | ||
محمود | وانت عايز من العمرة أيه غير الثواب | |
سيد | وبعدين خد بالك عم شعبان لما ربنا يشفيه إنشاء الله | |
النفع هايرجع عليه وعلى أسرته وعلينا | ||
عماد | طيب عليه وعلى أسرته دي فهمناه لكن علينا احنا ازاي | |
أحمد | أمال مين هايعملك الشاي المظبوط وسندوتشات المربة |
السبت، 16 مارس 2013
عمرة عم شعبان
الاشتراك في:
تعليقات الرسالة (Atom)
ليست هناك تعليقات:
إرسال تعليق